კვირაცხოვლობის დღესასწაულთან დაკავშირებით სამებაში წირვა ჩატარდა. წირვის დასრულების შემდეგ უწმინდესმა მრევლს კვირაცხოვლობა მიულოცა, თუმცა არ უქადაგია.

"გილოცავთ კვირაცხოვლობას, ღმერთმა გაგაძლიეროთ თქვენ და საქართველო", - ბრძანა პატრიარქმა.

შეგახსენებთ, რომ მართლმადიდებელი სამყარო დღეს კვირაცხოვლობას აღნიშნავს. კვირაცხოვლობა აღდგომის დღესასწაულის განახლებაა. მას  ასევე თომას კვირა ეწოდება.

კვირაცხოვლობა მოძრავი დღესასწაულია და აღდგომის მეორე კვირას აღინიშნება.