საკრებულოს თავმჯდომარე, ირაკლი შიხიაშვილი ახალ ინიციატივაზე საუბრობს, რომლის მიხედვითაც თბილისის აეროპორტს, ვარდების მოედანს, ევროპის მოედანსა და რიყის პარკს ახალი სახელწოდებები ექნებათ. ერთ- ერთ ვარიანტად განიხილება, რომ თბილისის აეროპორტს ზვიად გამსახურდიას სახელი, "ვარდების მოედანს" - მერაბ კოსტავას, "ევროპის მოედანს"- ასი ათასი მოწამის სახელი, რიყის პარკს კი ევროპის პარკი დაერქვას.
"კონკრეტული გადაწყვეტილება მიიღება მას შემდეგ რაც ეს საკითხი საკრებულოს სხდომის დღის წესრიგში შევა და შესაბამისად, კენჭისყრაზე დამტკიცდება, კოსტავა ქუჩა სწორედ ვარდების მოედნიდან იწყება და სასურველია, რომ ამ მოედანს კოსტავას სახელი დაერქვას. რაც შეეხება ევროპის მოედნისთვის ასი ათასი მოწამის სახელის დარქმევას, ეს სწორედ ის ადგილია , სადაც ასი ათასი მოწამე აწამეს. ჩევნთვის, რომ არ დაებრალებინათ ევროპის მოძულეობა, ამიტომ რიყის პარკისთვის გადავწყვიტეთ დაგვერქმია ევროპის პარკი" , _ აღნიშნა საკრებულოს თავმჯდომარემ.
