საუდის არაბეთში მცხოვრები 100 წლის უსინათლო ქალი, რომელიც ბოლო 50 წლის განმავლობაში ქალაქ ჯიდას ქუჩებში მათხოვრობდა, სახლში გარდაცვლილი იპოვეს.

ქალმა, რომელსაც აიშა ერქვა, მრავალწლიანი მათხოვრობით მილიონი დოლარის შეგროვება მოახერხა. გარდა ამისა, აიშას ქალაქის პრესტიჟულ ნაწილში ოთხი ბინა ჰქონდა, ასევე ძვირფასეულობისა და ოქროს მონეტების კოლექცია. 

სიცოცხლის ბოლო დღეებში აიშას მეზობელი უვლიდა, რომელიც ერთ–ერთი იყო იმ რამდენიმე ადამიანთაგან, ვინც რეალურად იცოდა, თუ რა ქონების პატრონი იყო მათხოვარი. ისინი სთხოვდნენ, მათხოვრობისთვის თავი დაენებებინა, მაგრამ, აიშას თქმით, ფულს შავი დღისთვის აგროვებდა. 

მათხოვრის არცთუ მოკრძალებული ქონება სახელმწიფოს გადაეცემა, რადგან მას ოფიციალურად მემკვიდრე არ ჰყავს. 

(მოამზადა ანა ნოდიამ)

(წყარო: sana.ge)