ბათუმში, დაუდგენელმა პირმა პროკურორ ფრიდონ ქარცივაძის მანქანა დაწვა. მთავარ პროკურატურაში განაცხადეს, რომ ფაქტზე გამოძიება უკვე დაწყებულია და დანაშაულში მონაწილე პირი  სრული სიმკაცრით დაისჯება.

"ბათუმში, დაუდგენელმა პირმა, აჭარის ავტონომიური რესპუბლიკის პროკურატურის განყოფილების ერთ-ერთი პროკურორის სამსახურებრივ ავტომანქანას ცეცხლი წაუკიდა და შემთხვევის ადგილიდან მიიმალა. გამოძიება მიმდინარეობს 187-ე მუხლის მეორე ნაწილით ცეცხლის წაკიდებით ავტომანქანის დაზიანების ფაქტზე. აღნიშნულ დანაშაულში მონაწილე პირი კანონის სრული სიმკაცრით დაისჯება", - განაცხადეს პროკურატურაში.