დაბა ურეკში ძლიერი წვიმის შედეგად საკურორტო ზონის დიდი ნაწილი დაიტბორა. ურეკის ცენტრთან, ერთ-ერთი სოფლისკენ მიმავალ გზაზე მეწყერი ჩამოწვა, რის გამოც მოძრაობა შეფერხებულია. 
 ოზურგეთის გამგებლის, კოტე შარაშენიის განცხადებით, სამაშველო სამსახურები მოსახლეობის დახმარებას მთელი ღამის განმავლობაში ცდილობდნენ, თუმცა, სტიქიის მასშტაბიდან გამომდინარე, სამაშველო სამსახურების რესურსი არასაკმარისია.
ვიდრე ძლიერი წვიმა არ შეწყდება, სახლებიდან წყლის ამოტუმბვის სამუშაოები ვერ დაიწყება. ჯერჯერობით სტიქიით გამოწვეული ზარალი დათვლილი არ არის. შეიქმნება სპეციალური კომისია, რომელიც ზარალის დათვლაზე იმუშავებს.