წუხელ „ბრუკლინ ნეტსმა“ პლეი ოფის პირველი რაუნდის დაძლევა მოახერხა. ბრუკლინელებმა კანადაში, სერიის გადამწყვეტი შეხვედრა „ტორონტო რეპტორსთან“ 104:103 მოიგეს და აღმოსავლეთ კონფერენციის ნახევარფინალის ბილეთები მოიპოვეს.

„ნეტსის“ რიგებში ყველაზე შედეგიანი ჯო ჯონსონი გამოდგა (26 ქულით), „რეპტორსის“ მაისურით კი თავი კაილ ლოურმა გამოიჩინა (28 ქულით).

მეოთხედფინალში ბრუკლინელებს რთული გამოცდის ჩაბარება მოუწევთ. მათი მეტოქე მოქმედი ჩემპიონი „მაიამი ჰიტია“.

„ტორონტო“ – „ბრუკლინი“  103:104 (28:26, 25:35, 20:20, 30:23).