როგორც ირკვევა, სეზონის უკანასკნელი ორი მატჩით ადრე, ჟოზე მოურინიომ ოსკარსა და ედენ აზარს უკეთ თამაშისკენ მოუწოდა და დაემუქა, რომ წინააღმდეგ შემთხვევაში ზაფხულში რომელიმე მათგანი კლუბს დატოვებდა.

ჯერჯერობით, გაყიდვასთან უფრო ახლოს აზარია, რომელიც მოურინიომ „ატლეტიკოსთან“ მატჩის შემდეგ სახალხოდ გააკრიტიკა. ბელგიელის გადაბირების სურვილს „პსჟ“ ღიად გამოთქვამს.

ოსკარმა პრემიერ ლიგის მიმდინარე გათამაშებაში 32 მატჩი ჩაატარა, 8 გოლი და 2 შედეგიანი პასი გააკეთა, მაშინ, როცა აზარი 33 მატჩში 14 გოლითა და 7 საგოლე პასით გამოირჩა.