„ლივერპულის“ თავდამსხმელმა ლუის სუარესმა მიმდინარე სეზონში კარგად თამაშის წყალობით „კალმის ზვიგენებს“ თავი მოაწონა.

რვა დღის წინ, იგი ინგლისის პროფესიული ფეხბურთის ასოციაციის მიერ წლის მოთამაშედ დასახელდა. ახლა ურუგვაელმა კიდევ ერთი პრიზი შემატა საკუთარ კოლექციას.

კარგი თამაში ჟურნალისტებმა დაუფასეს. სუარესმა ხმათა 52% მიიღო.

მეორე ადგილი მისმა პარტნიორმა სტივენ ჯერარდმა დაიკავა, ხოლო მესამე ადგილი წილად „მანჩესტერ სიტის“ ნახევარმცველ იაია ტურეს ერგო.

სუარესმა ჩემპიონატში 30 გოლი გაიტანა და პრემიერლიგის ბომბარდირთა დავაში ლიდერის პოზიციას ინარჩუნებს.