„სოვეტსკი სპორტის“ მომხმარებელთა გამოკითხვით ჯანო ანანიძე რუსეთის პრემიერლიგის საუკეთესო გამთამაშებლად დასახელდა. გამოკითხვა 24 აპრილიდან დაიწყო. გამომცემლობის მიერ სულ 6 გამთამაშებელი შეირჩა.

ქართველმა 586 ხმა მოიპოვა. მეორე ადგილი „კრასნოდარის“ ფეხბურთელმა რომან შიროკოვმა დაიკავა (461 ხმით), მესამე ადგილი კი პორტუგალიელ მიგელ დანს („ზენიტი“) ერგო (319 ხმით).

შეგახსენებთ, რომ პრემიერლიგის მიმდინარე სეზონში ანანიძემ 21 მატჩი ჩაატარა, 3 გოლი გაიტანა და 7 შედეგიანი გადაცემა გააკეთა. ამასთანავე, ჯანო „როსტოვს“ რუსეთის თასის ფინალში გასვლაში დაეხმარა.