„მონაკოსა" და კოლუმბიის ნაკრების ფორვარდმა რადამელ ფალკაომ მსოფლიო ჩემპიონატზე გამოსვლის დიდი სურვილი კიდევ ერთხელ გამოთქვა.

„გამოჯანმრთელება წარმატებით მიმდინარეობს. პროგრესით კმაყოფილი ვარ. ყველაფერი უკეთ მიდის, ვიდრე მოსალოდნელი იყო და ვიმედოვნებ, რომ ასე გაგრძელდება.

ყველაფერს დრო სჭირდება. მუდამ ჩემს მუხლზე ვფიქრობ და ყველა საჭირო პროცედურას ვასრულებ. მთავარია დროულად გამოვჯანმრთელდე და მუნდიალზე გავემგზავრო. ეს ძალიან მინდა", - განაცხადა ფალკაომ Marca-სთან საუბრისას.

შეგახსენებთ, რომ ფალკაომ იანვარში მუხლის ჯვარედინი მყესი გაიწყვიტა. დასაწყისში ექიმები მუნდიალისთვის მის გამოჯანმრთელებას გამორიცხავდნენ, თუმცა საკმაო ალბათობაა , რომ ფალკაო ბრაზილიის მოედნებზე ვიხილოთ.