„უეფამ" ფინანსური ფეარ პლეის წესების დარღვევასთან დაკავშირებული მასშტაბური გამოძიების შეფასება დაიწყო.

როგორც Sky Sports იუწყება, „პსჟ"-ს კვალდაკვალ ინგლისური „მანჩესტერ სიტიც" დაისჯება. კლუბს ჯარიმის სახით 50 მილიონი ფუნტის გადახდა მოუწევს. უფრო მეტიც, ჩემპიონთა ლიგის შემდეგ სეზონზე, „ქალაქელებს" 25-ის ნაცვლად, მხოლოდ 21 ფეხბურთელის წარდგენის უფლება ექნება.

შეგახსენებთ, რომ გასულ კვირას, „უეფას" პრეზიდენტმა მიშელ პლატინიმ განაცხადა, რომ მთავარი ევროპული ტურნირიდან არც ერთი კლუბი არ იქნება დისკვალიფიცირებული. მოსალოდნელი იყო, რომ „უეფა" დამრღვევებისადმი მსუბუქი შეშინებით შემოიფარგლებოდა, მაგრამ დღევანდელი სანქცია საკმაოდ მძიმედ გამოიყურება.