„მასტერზ1000"-ის წლევანდელ გათამაშებას ნოვან ჯოკოვიჩი და როჯერ ფედერერი თავიანთი სურვილით გამოეთიშნენ. თავის მხრივ , მადრიდში თავისი პირველი მატჩი ავსტრალიის ღია პირველობის მოქმედმა ჩემპიონმა სტანისლავ ვავრინკამ დათმო. „მასტერზ1000" რეიტინგით პირველი სამი ჩოგნის გარეშე გაგრძელდება.

ვავრინკამ 70-ე ადგილზე მყოფ 20 წლის ავსტრიელ დომინიკ ტიმთან იგემა მარცხი - 6:1, 2:6, 4:6. აღსანიშნავია, რომ ვავრინკა და ტიმი ერთმანეთს პირველად შეხვდნენ. დომინიკი ყველაზე ახალგაზრდა ჩოგბურთელია top 100-ში. დაპირისპირება საათსა და 45 წუთს გრძელდებოდა.

„დამაჯერებლად ვერ გამოვიყურებოდი. მეტოქე აქტიურად თამაშობდა და მოგება ნამდვილად დაიმსახურა. ტიმს კარგად ვიცნობ. იგი მაღალი დონის ჩოგბურთელი დადგება", - განაცხადა ვავრინკამ მატჩის შემდეგ.