მომდევნო კვირას, არგენტინელი თავდამსხმელი „ბარსელონასთან" ახალ კონტრაქტს გააფორმებს. ამის შესახებ AS იუწყება.

ახალი შეთანხმების საფუძველზე, ლეო წელიწადში 20-დან 22 მილიონ ევრომდე მიიღებს. ეს თუ არ ჩავთვლით ბონუსებს, რომელთან ერთადაც, მესის წლიური შემოსავალი 30 მილიონს მიაღწევს.

ამასთან ერთად, წყარო იუწყება, რომ ახალი კონტრაქტის პირობებით, ფეხბურთელსა და კლუბს შორის კავშირი არ გახანგრძლივდება და ამოწურვის ვადა კვლავ 2018 წლის 30 ივნისი იქნება.

აღსანიშნავია ისიც, რომ მესის სარეკლამო უფლებების ნაწილი „ბარსელონას" განკარგულებაში გადავა.