„ლივერულის" მფლობელობაში მყოფ პეპე რეინას არ სურს ხელფასის დაკლება და ამიტომაც, დიდი ალბათობით, ზაფხულში „ნაპოლის" დატოვებს.

ესპანელის ხელფასი „ლივერპულში", წელიწადში 4,5 მილიონ ევროს შეადგენდა. „ნაპოლი" მიმდინარე სეზონში მას მხოლოდ 2 მილიონს უხდიდა. დანარჩენ 2,5 მილიონს კვლავ მერსესაიდელები ფარავდნენ.

იტალიელებს სურთ მეკარის გამოსყიდვა, მაგრამ როგორც II Mattino იუწყება, რეინას ამ ეტაპზე არ სურს ხელფასის დაკლება. „ნაპოლი" კი წელიწადში 4,5 მილიონის გადახდას არ აპირებს.

თავის მხრივ, „ლივერპული" არ აპირებს სატრანსფერო ფასზე ვაჭრობას და კიდევ ერთხელ პეპეს არენდით გაშვებას, ეს კი ნიშნავს, რომ რეინა „ნაპოლის" დაემშვიდობება.