პრესა მსოფლიო მასშტაბით ალაპარაკდა იმაზე, რომ ზინედინ ზიდანი შემდეგი სეზონიდან სამწვრთნელო კარიერის დაწყებას აპირებს. ლეგენდარული ფრანგისადმი ინტერესი „მონაკომ“ და „ბორდომ“ გამოთქვეს, მაგრამ თავად ზიდანი არ ჩქარობს „რეალის“ დატოვებას.

„როგორც წესი, ასეთ თემებზე მუდამ არის ზედმეტი მითქმა-მოთქმა, მაგრამ  კომენტარის გაკეთება მაინც მომიწევს. უპირველეს ყოვლისა, „მონაკოს“ და „ბორდოს“ ჩემთვის წინადადებით არ მოუმართავთ.

მეორეც, მე მაქვს კონტრაქტი მადრიდულ კლუბთან და უახლოეს მომავალში „რეალის“ დატოვებას არ ვაპირებ“, - განაცხადა ზიდანმა.

შეგახსენებთ, რომ ზიდანმა საფეხბურთო კარიერა 2006 წელს დაასრულა და ამჟამად მადრიდის „რეალში“ მუშაობს.