ამერიკელი ადვოკატი და მუსიკალური პროდიუსერი მარკ სევიერი ცდილობს, სასამართლოს საშუალებით აიძულოს ქვეყნის ხელისუფლება, დაიცვან სექსუალურ უმცირესობათა უფლებები, რომელ კატეგორიასაც თავად სეივერი მიეკუთვნება. თუმცა, მარკს არ გააჩნია ლტლოლვა მამაკაცებისადმი ან ქალებისადმი, მისი მიდრეკილების ობიექტი გახლავთ უსულოს საგანი, კერძოდ... მისი კუთვნილი MacBook-ის კომპიუტერი.

სხვათაშორის, მარკ სევიერის ანგარიშზე არსებობს კიდევ ერთი უჩვეულო სარჩელი (რომლის გამოც დაიწყო მთელი ამბავი). გასულ წელს, მან დაადანაშაულა კომპანია Apple,  რომ ის არ იცავს თავის მომხმარებლის ლეპტოპებს სახიფათო ინტერნეტშინაარსისგან (ვსაუბრობთ პორნოგრაფიაზე). რასაკვირველია, სევიერმა ეს პროცესი წააგო.

მიუხედავად ამისა, ამერიკელი ამტკიცებს, რომ ზუსტად MacBook-მა მიაჩვია იგი პორნოგრაფიის ყურებას და ახლა მას უნდა, ცოლად აღნიშნული MacBook-ი მოიყვანოს. (მარკი რეალურმა მეუღლემ მიატოვა მისი პორნოდამოკიდებულების გამო).

სეივერი 30 გვერდიან სარჩელში დეტალურად აღწერს მის „ურთიერთობებას“ კომპიუტერთან და ამტკიცებს, რომ ლეპტოპი  ურჩევნია რეალურ ადამიანებთან ურთიერთობას. აქედან გამომდინარე, მარკი მოითხოვს, ჰქონდეს უფლება, დაქორწინდეს მისთვის ხელსაყრელ პარტნიორ კომპიუტერზე.

სასამართლომ მიიღო გადაწყვეტილება, არ განიხილოს მისი სარჩელი, მაგრამ მარკ სეივერმა განაცხადა, რომ არ აპირებს შეწყვიტოს ბრძოლა მისი და კომპიუტერის ურთიერთობის ოფიციალურად დაკანონებისათვის.

(მოამზადა ნინი მოდრეკილმა)