როგორც დღეს გაირკვა, 2015 წლის იმ რიცხვებში, როცა ჩვეულებრივ კორეის გრან-პრი იმართება ხოლმე, აზერბაიჯანის გრან პრი გაიმართება. ამის შესახებ დიდი პრიზების ბოსი ბერნი ეკლსტოუნი იუწყება.

„ჩვენ გავაფორმეთ კონტრაქტი ეტაპის ბაქოში ჩატარებაზე. კალენდარში ის კორეის ადგილს დაიკავებს. რბოლა აზერბაიჯანში 2015 წლიდან დაიწყება“, - განაცხადა ეკლსტოუნმა.

შეგახსენებთ, რომ კორეის უკანასკნელი გრან-პრი მიმდინარე წელს გაიმართა. ეტაპის მომზადებისა და ჩატარების დროს ფინანსური დანაკარგების გამო, რომელიც სრულად ვერ აანაზღაურა რბოლამ, სამხრეთ კორეის ხელისუფლება იძულებული გახდა ფორმულა 1-ის გრან-პრიზე უარი ეთქვა.