მსოფლიოს მეორე ჩოგანი მაჯის ტრავმის შემდეგ კარგი ტემპით რეაბილიტირებას განაგრძობს. როგორც ცნობილი გახდა, ნოვან ჯოკოვიჩის ფიზიოთერაპევტმა პაველ კოლარმა სპორტსმენს რომში ასპარეზობის უფლება მისცა.

„ნოვაკი იტალიის დედაქალაქში იასპარეზებს. მან გამოტოვა მადრიდის შეჯიბრი, რადგან ბოლომდე მზად არ იყო.

გრუნტიანი საფარი გაცილებით მეტ ძალისხმევას მოითხოვს მოთამაშისგან, ვიდრე ბალახი. ქვიშიან კორტზე მეტი მოძრაობაა საჭირო, ბურთის ხშირი ჩახვევა და მაჯის დაძაბვა. სწორედ ამიტომ გადავწყვიტეთ ნოვაკის დანდობა, მაგრამ რომაული ტურნირისთვის იგი მზად იქნება“, - განაცხადა პაველ კოლარმა.