ყოველწლიური პრემია Golden Foot-ის 10 პრეტენდენტი დასახელდა.

წელს მონაკოში ჯილდოს მოსაპოვებლად ერთმანეთს კრიშტიანუ რონალდუ („რეალი“), უეინ რუნი („მანჩესტერ იუნაიტედი“), ანდრეა პირლო („იუვენტუსი“), იაია ტურე („მანჩესტერ სიტი“), ანდრეს ინიესტა („ბარსელონა“), ფრანკ რიბერი („ბაიერნი“), მანუელ ნოიერი („ბაიერნი“), ტიაგო სილვა („პსჟ“), ტიერი ანრი („ნიუ-იორკ რედ ბულზი“) და მარტა (ბრაზილიის ნაკრები) დაუპირისპირდებიან.

Golden Foot-ის ოფიციალურ ვებგვერდზე უკვე დაიწყო ხმის მიცემა, რომელიც 24 აგვისტოს დასრულდება, გამარჯვებულს კი 13 ოქტომბერს, მონაკოში გამართულ ცერემონიალზე დააჯილდოვებენ.

შეგახსენებთ, რომ შარშანდელი Golden Foot-ის გამარჯვებული „გალათასარაის“ ფორვარდი დიდიე დროგბა გახდა.