ტელეკომპანია "მე-9 არხის" საინფორმაციო სამსახურმა მუშაობის შეჩერების გადაწყვეტილება მიიღო.  არხის თანამშრომლებმა  10 დღით მუშაობის გაგრძელებაზე უარი თქვეს.  
 მაუწყებლობას  განაგრძობს სააგენტო "ინფო 9". მისი ხელმძღვანელის, მანანა ელიაშვილის განცხადებით, სააგენტოს თანამშრომლები 11 დღის განმავლობაში მუშაობას ჩვეულ რეჟიმში განაგრძობენ.
"იმედი მაქვს, ეს გადაწყვეტილება ნამდვილად გამოადგება ქვეყანაში დემოკრატიის დამკვიდრებას, რაც იმას ნიშნავს, რომ ისეთი პროფესიონალი ჟურნალისტებისთვის, რომლებიც ამ არხზე მუშაობენ, აუცილებლად მოინახება სამსახური კარგ და დემოკრატიულ ქვეყანაში." - განაცხადა ლუბა ელიაშვილმა აღნისნულ საკითხთან დაკავშირებით და არხის აპარატურის შესახებ ისაუბრა.
"ბევრი ზარი იყო დღეს მათგან, ვისაც არხის შეძენა სურს, ბევრი ზარი იყო შეწუხებული ადამიანებისგან, ტელემაყურებლებისგან, მაგრამ იყო ჩემთვის ცოტა უხერხული და მიუღებელი ზარებიც. დღეს განსაკუთრებული დღე აქვს "მე-9 არხს". როდესაც ძირითადი საკითხია "აპარატურა რა ღირს", ეს აპარატურა "მე-9 არხის" გარდა, კიდევ ბევრ ადგილზე იყიდება, მაინც და მაინც დღეს, "აბა იქნება იაფად აპარატურა ჩავიგდო ხელში. არ არის სასიამოვნო, როდესაც ჩვენი კოლეგებისგან სწორედ ეს გესმის, ჩანს სიხარბე. სინამდვილეში ეს არხი მარტო აპარატურა არავითარ შემთხვევაში არ არის. ეს არხი არის მისი პროფესიონალი თანამშრომლები, ის შრომა, რომელსაც ისინი ახორციელებენ." - განაცხადა ლუბა ელიაშვილმა.
დღევანდელი ბოლო საინფორმაციო გამოშვების შემდეგ არხი უკვე გათიშულია.