მსახიობი თინა მახარაძე მაყურებელმა სერიალიდან „გოგონა გარეუბნიდან“ გაიცნო, სადაც მთავარ როლს ასრულებდა. ბოლო პერიოდში კი მისმა თამამმა განცხადებებმა მიიქცია ყურადღება. მსახიობი „პრაიმ თაიმთან“ ინტერვიუში ბავშვობას იხსენებს:
„გლდანამდე რუსთავში დავიბადე და მეშვიდე კლასამდე იქ ვცხოვრობდი. მიყვარს რუსთავი თავისი ბათქაშჩამოყრილი ძველი სახლებით. ჩემი ტიპის ფორმირებაში რუსთავმა დიდი როლი შეიტანა. მე ძველ რუსთავში დავიბადე-გავიზარდე და ეზოებში დავრბოდი. ძველი აფთიაქის სუნს ვსუნთქავდი მთელი ჩემი ბავშვობა. ამის გამო გემოვნება ბევრად დამეხვეწა და ფაქიზი ნიუანსების შეგრძნება შემიძლია. მიყვარს ბაძუნგალა ჯიხურები, სადაც გაცრეცილ --კოლოფიანი „ვაისროი“ იყიდება. ამაში ესთეტიკას ვხედავ."
- ხარ გოგონა გარეუბნიდან?
- ხო, გარეუბანში ვცხოვრობ. სხვა ადგილებშიც მიცხოვრია. ჩემი ოჯახი ცხოვრობს გლდანში და დროის დიდ ნაწილს იქ ვატარებ. დიდი პერიოდი ვცხოვრობდი სხვაგან, ჩემთვის, დამოუკიდებლად. ლოკაციას ჩემთვის მნიშვნელობა არ აქვს. ძალიან მიხარია, რომ გლდანში ვცხოვრობ. ეს იმხელა სიამოვნებაა, როდესაც დილას ჩემ აივანზე გავდივარ და ვხედავ თვითმფრინავები როგორ მოფრინავენ ერთნაირი, მაღალი შენობების თავზე. ირგვლივ ბევრი კორპუსია, აზერბაიჯანელი ქალი ბოსტნეულს ყიდის და მე შემიძლია ყოველდღე ჩავიდე მასთან. ჩემ უბანთან დაკავშირებით საინტერესო ფოტო -პროექტის შექმნას ვაპირებ. კომპლექსი შეიძლება იმის მქონდეს, რომ საინტერესო რამეები ვაკეთო იმ ადგილას, რომელ ადგილსაც ეს ყველაზე მეტად სჭირდება. ლესელიძეზე ისედაც ბევრი საინტერესო დაწესებულებაა, გლდანში - არაფერი.“
თინა მახარაძე ამჟამად სერიალ „ჩემი ცოლის დაქალებში“ თამაშობს.
