ამერიკიდან ჩამობრძანებული ივერიის ღვთისმშობლის სასწაულმოქმედი ხატი საქართველოში 23 მაისამდე დარჩება. ხატი საქართველოს რეგიონებს მოივლის. მას სხვადასხვა  ტაძარში დააბრძანებენ. საპატრიარქოს პრესცენტრის წარმომადგენლმა მაია გაგუამ „რეპორტიორთან" საუბარში განაცხადა, რომ  დღეს სასწაულმოქმედი ხატი მახათას მთაზე საღამომდე დარჩება.

„მახათას მთაზე მხოლოდ დღეს იქნება, ხვალ  მიაბრძანებენ ნეკრესის მონასტერში, ზეგ ათის ნახევარზე კი სიონში მიაბრძანებენ", - განაცხადა გაგუამ.

მამა პეტრეს განცხადებით კი, ღვთისმშობლის სასწაულმოქმედი ხატის გადაადგილების ზუსტი პროგრამა არ არსებობს, თუმცა ჩვიდმეტი მაისიდან  დასავლეთ საქართველოში იქნება დაბრძანებული.