„ქალაქელების" საუკეთესო ფორვარდი ჯერჯერობით კლუბის დატოვებას არ აპირებს. მისი თქმით, იგი „რეალის" დონის კლუბში წასვლასაც არ გეგმავს.

როგორც ხმები გავრცელდა, მადრიდის „რეალის" მთავარი სამიზნე სერხიო აგუერო გახდა, თუმცა ფეხბურთელი კიდევ მინიმუმ 1 წელი, კლუბის შეცვლას არ აპირებს.

„მოხარული ვარ, რომ კლუბმა პრემიერ ლიგის ტიტული მოიპოვა. პირობას ვდებ, რომ შემდეგ სეზონში შემადგენლობაში უფრო ძლიერ მოთამაშედ დავბრუნდები, რათა უფრო მეტი ტიტული მოვიპოვო", - განაცხადა აგუერომ.

არგენტინელმა პრემიერ ლიგის მიმდინარე სეზონში 17 გოლის გატანა და 6 საგოლე გადაცემის გაკეთება მოახერხა.

აქვე აღსანიშნავია, რომ ლიონელ მესის მიერ „ბარსელონასთან" გაფორმებულ ახალ კონტრაქტში, არგენტინელმა ერთ პუნქტად კლუბს სერხიო აგუეროს გადმობირება სთხოვა.