პროექტ „X ფაქტორის“ ერთ-ერთი კონკურსანტი, სალომე ტეტიაშვილი, ბოლო პერიოდში ინტერნეტით გახდა პოპულარული. მისმა ისტორიამ, თუ რა პირობებში და როგორ გაატარა ბავშვობა, ახალგაზრდა და მიზანდასახულ მომღერალს გულშემატკივრების არმია გაუჩინა. თუმცა, ყვითელ მედიაში  გამოჩენის პარალელურად, სალომეს მიმართ  შენიშვნებმაც იმატა:  

- სალომე, რომ ამბობენ სალომე ტეტიაშვილს თავში აუვარდაო, როგორ გგონია, ამის რა საფუძველი აქვთ?

_ ერთადერთი თემაა რომლის საფუძველს მართლა ვერ ვხვდები. არ ვიცი რატომ ამბობენ ამას. ადამიანში ყველაზე მეტად უბრალოება და თავმდაბლობა მომწონს და ვცდილობ მეც ასეთი ვიყო. ასე გავიზარდე და რა წარმატებასაც არ უნდა მივაღწიო ასეთივე დავრჩები, უშუალო, უბრალო და თავმდაბალი. ეს ადამიანის ყველაზე დიდი სიმდიდრეა.

- გაღიზიანებს, როცა მსგავსი ტიპის კომენტარებს კითხულობ შენს შესახებ?

- არ ვღიზიანებდი. ყველას ვერ ვეყვარები. ასეთები ვართ ქართველები, ვცდილობთ ყველას რაიმე ნაკლი ვუპოვოთ. ყველას ჰგონია, რომ თავად უკეთ გააკეთებს ყველაფერს იმას, რაც შენში არ მოსწონს.

 სალომე ტეტიაშვილი  19 წლისაა.   დედასთან ერთად ნაქირავებ ბინაში ცხოვრობს. სალომეს დედას, ქალბატონ თამარს, ''რუსთავი 2''-ის მაყურებელი კარგად იცნობს. ის უკვე წლების განმავლობაში ამ ტელევიზიას ერთგულად ემსახურება, ოთახებს ალაგებს და ''კომედი ჯგუფის'' სკეტჩებშიც მონაწილეობს.

წყარო: „რეიტინგი“