მედეა ჩახავა, 1921 წლის 15 მაის, სოფ. სერგიეთში, ახლანდელ მარტვილის რაიონში დაიბადა.

დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი და იმავე წელს ჩაირიცხა თბილისის შოთა რუსთაველის სახელობის სახელმწიფო აკადემიური თეატრის დასში.

1960 წელს მიენიჭა საქართველოს სახალო არტისტის წოდება. 1963 წელს იყო საქართველოს სსრ უმაღლესი საბჭოს დეპუტატი. 1966 წელს _ სკკპ XXIII ყრილობის დელეგატი. 2002 წელს გადაეცა საერთაშორისო ასოციაციის "საქართველოს ქალები მშვიდობისა და სიცოცხლისათვის" "ღიმილის პრიზი". 1996 წელს დაჯილდოვდა ღირსების ორდენით.

მედეა ჩახავას 2002 წელს მიენიჭა თბილისი საპატიო მოქალაქის წოდება. 2006 წელს კი რუსთველის თეატრის წინ მისი სახელობის ვარსკვლავი გაიხსნა.

ჩახავას მიერ შექმნილი როლები თეატრში: ჯენევრა (ჯ. გოუსა და ა. დიუსოს "ღრმა ფესვები"), ნადია (მ. გორკის "მტრები"), გაიანე (ი. მოსაშვილის "ჩაძირული ქვები", მიენიჭა სსრკ სახელმწიფო პრემია, 1951), ამირანტა (ჯ. ფლეჩერის "ესპანელი მღვდელი"), ფეფელა (გ. სუნდუკიანის "პეპო"), ოფელია, მარგარიტა (უ. შექსპირის "ჰამლეტი", "რიჩარდ III), ზაბლონა (ნ. დუმბაძის და გ. ლორთქიფანიძის "მე, ბებია, ილიკო და ილარიონი) და სხვა.

მედეა ჩახავას განსახიერებული აქვს კინოროლები: ცქრიალა ("ჭრიჭინა"), თამრო ("გლახის ნაამბობი"), ნინო ("ნინო"), მელანო ("ბაში-აჩუკი"). მონაწილეობდა კინოსერიალში "ძილის წინ".

მედეა ჩახავა 2009 წლის 7 სექტემბერს გარდაიცვალა. დაკრძალულია დიდუბის პანთეონში.