იაპონიაში ნაცუ ბაშო 2014 მიმდინარეობს. გუშინდელი დღე საკმაოდ დახუნძლული გამოდგა როგორც სანახაობრივი ორთაბრძოლებით, ასევე მოულოდნელი და მეტ-ნაკლებად სენსაციური შედეგებით.

პირველი მარცხი იწვნია ბაშოზე იოკოძუნა კაკურიუმ. იგი იაპონელთა ამომავალმა ვარსკვლავმა მე-4 მაეგაშირა ენდომ იორიტაოშით გადაისროლა დოჰიოდან დარბაზში. ასევე მარცხი განიცადა ორივე იაპონელმა ოძეკიმ: კისენოსატომ და კოტოშოგიკუმ.

სანიაკუს ბინადართაგან დაუმარცხებელი მხოლოდ იოკოძუნა ჰაკუჰო შემორჩა ბაშოს. მასთან ერთად ოთხი რიგითი მაეგაშირა აგრძელებს წაუგებელ ასპარეზობას. ოთხივე მათგანი იაპონელია: ამინიშიკი (მე-3), ტაკაიასუ (მე-8), ჯოკორიუ (მე-12) და კიტატაიკი (მე-13).

აქვე აღსანიშნავია, რომ დღეს გაგამარუს მეტოქე ჩინელი მე-15 მაეგაშირა სოკოკურაი იქნება. თეიმურად ჯუღელმა ორი ორთაბრძოლა მოიგო და ბალანსი გამოისწორა - 2-2. ტოჩინოშინის მეტოქე კი 22 წლის ახალბედა სუმოისტი კავაბატა გახლავთ. ლევან გორგაძე დივიზიონის მე-6 ნომერია და ელიტურ მეორე დივიზიონში დასაბრუნებლად იბრძვის.

გთავაზობთ ნაცუ ბაშოს გუშინდელი დღის სრულ ვიდეო-მიმოხილვას: