„ბარსელონას" ოფიციალური ვებგვერდი იუწყება, რომ კლუბმა გუნდის ლიდერ ლიონელ მესისთან ახალ კონტრაქტზე შეთანხმებას მიაღწია და მხარეები დოკუმენტს ხელს უახლოეს დღეებში მოაწერენ.

ციფრები და ვადა ჯერჯერობით არ სახელდება, თუმცა არგენტინელის მიმდინარე კონტრაქტი კლუბთან 2018 წელს იწურება და მისი გახანგრძლივება მხოლოდ 2019 წლამდეა შესაძლებელი. პრესაში გავრცელდა ინფორმაცია იმის შესახებ, რომ მესის წლიური ანაზღაურება, ახალი კონტრაქტის მიხედვის 20 მილიონი ევრო იქნება.

26 წლის არგენტინელმა „ბარსელონას" მაისურით 424 მატჩი ჩაატარა, სადაც 354-ჯერ აიღო მეტოქის კარი.