დარიალის ხეობაში დღეს ჩამოწოლილმა მეწყერმა ჩრდილოეთ-სამხრეთის 1200 მმ-იანი მაგისტრალური გაზსადენი დააზიანა, რის გამოც სომხეთში საქართველოს გავლით გაზის ტრანზიტი შეწყდა.

გაზის ტრანსპორტირების კომპანიის ინფორმაციით, ადგილზე მობილიზებულნი არიან კომპანიის წარმომადგენლები, რათა ავარიის ლიკვიდაცია მოახდინონ. მომხდარი შემთხვევის გამო სომხური და რუსული მხარე ინფორმირებულია.

სომხეთში გაზის ტრანზიტის შეწყვეტის გამო საქართველოს გაზით მომარაგებას პრობლემები არ შეექმნება.