საქართველოს ენერგეტიკის სამინისტროს მიერ გავრცელებული ინფორმაციის თანახმად, დარიალის ხეობაში, მოწყვეტილ მთის მასაში რუსეთ-საქართველოს საზღვრის მიმართულებით მოძრავი ტრაილერები და ავტომობილებია მოყოლილი. ენერგეტიკის სამინისტროს განცხადებაში წერია, რომ "როგორც ადგილობრივები ამბობენ, ყოველ 5-6 წელიწადში ერთხელ გაზაფხულზე ხდება დევდორაკის ხეობიდან მთის მასივის გამოტანა, სამწუხაროდ წლევანდელი განსაკუთრებით მასშტაბურია".
ამასთანავე, საქართველოდან სომხეთში გაზის ტრანზიტი შეწყვეტილია. ავარიის მოცულობის დადგენისთვის მთის მასივის მიერ გადაკეტილი თერგის კალაპოტის და გზის გათავისუფლებაა საჭირო.
"საქართველოს გაზის ტრანსპორტირების კომპანიის ტექნიკა მობილიზებულია ადგილზე, თუმცა პირველ რიგში მთის მასივის მიერ გადაკეტილი თერგის კალაპოტის და გზის გათავისუფლებაა საჭირო, მხოლოდ ამის შემდეგ გახდება ავარიის მოცულობის შეფასება. აქვეა მობილიზებული ლარსისა და დარიალის ჰესების სამშენებლო ტექნიკაც, რაც დაეხმარება სახელმწიფო უწყებებს და შესაბამის სამსახურებს გზის და კალაპოტის გაწმენდაში. ბოლო იმფორმაციით, მოწყვეტილი მთის მასაში მოყოლილია რუსეთ-საქართველოს საზღვრის მიმართულებით მოძრავი ავტოამნქანები და ტრაილერები. სამაშველო სამუშაოები მიმდინარეობს. ადგილზე იმყოფებიან, ხელმძღვანელი პირები ენერგეტიკის სამინისტროდან, ინფრასტურქტურის სამინისტროდან და გაზის ტრანსპორტირების კომპანიიდან", - ნთქვამია განცხადებაში.
