ვიცე-პრემიერ კახა კალაძის ინფორმაციით, დარიალის ხეობაში, მდინარე თერგში მილიონი კუბური მეტრი მიწის მასაა ჩამოსული.  

კალაძის განცხადებით, მსხვერპლის შესახებ ინფორმაცია უცნობია, თუმცა, არსებობს ვარაუდი, რომ მეწყერმა რამდენიმე სატვირთო მანქანა მოიყოლა.

„პრემიერის დავალებით, ყველა სამინისტრო მობილიზებულია და ყველაფერს გავაკეთებთ, რომ ეს პრობლემა რაც შეიძლება დროულად მოგვარდეს. ამ ეტაპისთვის საშიშროების საფრთხე არ არსებობს, რადგან დაგუბებული მდინარის დონემ რამდენიმე მეტრით დაიწია და წყალმა დაიწყო გადინება", - განაცხადა კახა კალაძემ.

ამასთან, ვიცე-პრემიერი ამბობს, რომ მთის მასის ჩამოწოლა „დარიალი ჰესის" მშენებლობასთან არაფერ კავშირშია.

დარიალის ხეობაში დღეს მთის მასა მოწყდა.