მადრიდელები მზად არიან ფრანგ ფორვარდს დაემშვიდობონ, თუკი მის სანაცვლოდ დიდ თანხას აიღებენ. აქამდე ბრიტანულმა პრესამ უკვე გააჟღერა, რომ ლონდონელები მზად არიან 30 მილიონი ფუნტი გადაიხადონ სამეფო კლუბის თავდამსხმელის სანაცვლოდ.

ახლა Mail on Sunday იუწყება, რომ ესპანური გრანდის ხელმძღვანელობამ ინგლისელები მოლაპარაკებაზე მიიწვია. წყაროს ცნობით, ესპანელები 26 წლის ბენზემას სანაცვლოდ 40 მილიონ ფუნტს ითხოვენ.

ამ თანხის გამოყენებას „რეალი“ „ლივერპულის“ ფორვარდის, ლუის სუარესის ტრანსფერისთვის გეგმავს. სწორედ ურუგვაელის ხილვა სურთ ესპანელებს თავდასხმის ცენტრში ბენზემას ნაცვლად.