გაგამარუმ კიდევ ერთი მარცხი განიცადა. ამჯერად ქართველი იაპონელ მე-11 მაეგაშირა ჩიომარუსთან უვატენაგეთი დამარცხდა. გაგამარუს ბალანსში სამწუხაროდ 3 მოგება და 5 მარცხია. გაგამარუს დღევანდელი მეტოქე  ძურიოს დივიზიონის პირველ ნომრად განთესილი მონღოლი აძუმარიუ იქნება.

ტოჩინოშინი გუშინ ისვენებდა, დღეს კი  მე-5 ბრძოლას ჩაატარებს. მისი მეტოქე მაკუშიტას მე-11 ნომერი, იაპონელი დევაჰაიატე იქნება.

რაც შეეხება სხვა შეხვედრებს, ბაშოს სატურნირო ცხრილის სათავეში თითქმის ყველაფერი უცვლელია - ჰაკუჰო კვლავ წაუგებლად ლიდერობს ტურნირს. მას თითო წაგებით ოძეკი კისენოსატო და მე-5 მაეგაშირა იკიოი ჩამორჩებიან.

გთავაზობთ გუშინდელი დღის ორთაბრძოლების ვიდეო-მიმოხილვას:

ნაცუ ბაშო 2014 ზუსტად ერთ კვირაში, 25 მაისს დასრულდება.