„ნაპოლის“ დაცვითი პოზიციების გაძლიერება რომ სურს ახალი არავისთვისაა, არც ისაა ახალი, რომ რაფაელ ბენიტესი იმ ფეხბურთელების გადმობირებისთვის იბრძვის, რომლებიც „ლივერპულში“ მისი დაქვემდებარების ქვეშ თამაშობდნენ. როგორც ირკვევა, ახლა ნეაპოლელებმა თვალი „რეალის“ მცველ არბელოას დაადგეს.

31 წლის ესპანელი „ლივერპულიდან“ გადასვლის შემდეგ, მეხუთე სეზონს ატარებს სამეფო კლუბში. არბელოას ანგარიშზე 189 ჩატარებული მატჩია.

„ნაპოლი“ მზადაა არბელოას სამწლიანი კონტრაქტი შესთავაზოს, წლიური 3 მილიონი ევროს ანაზღაურებით. აქვე აღვნიშნავთ, რომ არბელოას მიმდინარე კონტრაქტი მადრიდულ კლუბთან 2016 წლამდე აკავშირებს.