საფრანგეთში, კანის რიგით 67-ე  ყოველწლიური კინოფესტივალი მიმდინარეობს. მთავარი ჯილდოსთვის – „ოქროს პალმის რტო“ მსოფლიოს სხვადასხვა ქვეყნიდან 17 სურათი იბრძოლებს.

წელს ჟიურის პოპულარული მსახიობები უილიამ დეფო,  გაელ გარსია ბერნალი,  ამერიკელი რეჟისორი სოფია კოპოლა, ფრანგი მსახიობი კაროლ ბუკე,  სამხრეთკორეელი მსახიობი ჩონ დო ენი, ირანელი მსახიობი ლაილა ჰატამი, ჩინელი რეჟისორი ცზია დჟანკე და დანიელი რეჟისორი ნიკოლას ვინდინგ რეფნი წარმოადგენენ. ფესტივალი 2014 წლის 25 მაისს დასრულდება.

შეგახსენებთ, წელს კანის კინოფესტივალზე ქართული კინემატოგრაფის შედევრი, ელდარ შენგელაიას უკვდავი ფილმი, „ცისფერი მთები" იყო ნაჩვენები.