მუსიკოსი დათო ფორჩხიძე ამჟამად „შალვა რამიშვილის შოუს" ბენდის ხელმძღვანელია. მაყურებელთა გარკვეული ნაწილისთვის, რომელიც პროექტ „ახალ ხმაში" დათოს ჟიურიში ყოფნას მიეჩვია, მისი ახალი ამპლუა ცოტა გაუგებარი აღმოჩნდა. ამის შესახებ დათო ფორჩხიძე „ამბები.გე"-სთან საუბრობს:
დათო ფორჩხიძე: „ ვიღაცები მეუბნებიან, "მუზიკანტად" რა პონტში დაუჯექი შალვასო? "მუზიკანტი" ვარ და,...აბა, რა უნდა მექნა? თუ მავანს ჟიურიში ჯდომა, ანუ ვიღაცის ნაწვალების შეფასება უკეთესი პონტი ჰგონია, ვეტყვი, რომ ეს სულაც არ არის ჩემი მოწოდება. ამასთან, ამ ახალ შოუში ექვსი კაცი დავასაქმე, ნიჭიერი მუსიკოსები, ჩემი "ვოისის" ბავშვები. სხვა მომღერლებსაც გამოვიყვან. კარგად ვუკრავთ, საკმაოდ საინტერესო მუსიკას ვაკეთებთ, ცოტა განსხვავებული შემოგვაქვს... მერე მაგ შოუში ჩემს რუბრიკასაც გავაკეთებ - შალვამ მომცა უფლება, თითო სტუმარი, ანუ ისეთი მომღერალი ვინც მომწონს, მივიყვანო და ვამღერო, ვაცეკვო და გავესაუბრო კიდეც... „
დათო ფორჩხიძე ფართო მსმენელისთვის ჯგუფი „სახე"-დან გახდა ცნობილი. ამ ჯგუფის შემქმნელი და პროდიუსერი შალვა რამიშვილია.
