მწერალთა სახლში გურამ ფანჯიკიძის წიგნის „ეშმაკის ბორბალი" პრეზენტაცია გაიმართება, რომანი მოგვითხრობს ერთი ოჯახის ისტორიას სტალინის პერიოდიდან საბჭოთა იმპერიის მსხვრევის პერიოდამდე.
მთავარი გმირის ფსიქიკა, გამრუდებული ფსიქოლოგიური ველის მსხვერპლია.
რომანში მოთხრობილია რუსთაველზე აქციის მონაწილეთა დახვრეტის შემდეგ ხრუშჩოვის საქართველოში სტუმრობაზე, საბჭოთა კავშირის პერიოდში ავღანეთზე და მრავალ საინტერესო გარემოებაზე.
„ეშმაკის ბორბალი" 1980-იანი წლების ბოლოს და 1990-იანი წლების დასაწყისში, საბჭოთა იმპერიის მსხვრევის ზღვარზე დაიწერა.
1994 წელს, სპონსორების დახმარებით, წიგნი მცირე ტირაჟით გამოიცა. 1997 წელს გურამ ფანჯიკიძე გარდაიცვალა და წიგნი გადაუკითხავი გამოვიდა, რომლის წაკითხვაც, არეული წლების გამო მწერლის ერთგული მკითხველის დიდმა ნაწილმაც ვერ მოახერხა.
წელს ბაკურ სულაკაურის გამომცემლობამ რომანი "ეშმაკის ბორბალი" ახალი რედაქციით გამოსცა. პრეზენტაცია მწერალთა სახლში დღეს, 19:00 საათზე გაიმართება. წიგნში ნებისმიერი მკითხველი მისთვის საინტერესო ამბავს აღმოაჩენს.
