ტოჩინოშინმა ნაცუ ბაშოზე რანგით მე-3 მაკუშიტას დივიზიონის ჩემპიონობა მოიპოვა. ლევან გორგაძემ მაისის სუპერტურნირზე შვიდივე ორთაბრძოლა მოიგო, ჯამში კი, ტრავმის მოშუშების შემდეგ მე-14 გამარჯვება მოიპოვა. ტოჩი მომავალი ბაშოდან რანგით მე-2 ძურიოს დივიზიონში იასპარეზებს.
დღევანდელ ორთაბრძოლაში მაკე-კოში (უარყოფითი ბალანსი) გაიფორმა გაგამარუმ. ეს კი იმას ნიშნავს, რომ ქართველი გოლიათი რეიტინგში დაქვეითებას ვერ გადაურჩება.
გაგამარუმ შერკინებაში ძალიან აქტიურად შეუტია მე-10 მაეგაშირა ტოჩინოვაკას, თუმცა კორეელმა შეძლო ორთაბრძოლაში გარდატეხის შეტანა და ჩვენებური იორიკირით გაიყვანა დოჰიოდან. შედეგად, ტოჩინოვაკამ კაჩი-კოში გაიფორმა, გაგას კი მაკე-კოში (6-8) გაუფორმა.
გაგამარუს მხოლოდ ერთი ბრძოლა დარჩენია. მოგების შემთხვევაში გოლიათი უმაღლეს დივიზიონში ადგილს შეინარჩუნებს. მისი მეტოქე იაპონელი მე-9 მაეგაშირა ოკინოუმი იქნება, რომელმაც დღეს გაიფორმა უარყოფითი ბალანსი და მასაც დაქვეითება მოელის ბანძუკეში, თუმცა, გაგამარუსგან განსხვავებით, იაპონელს მაკუუჩიდან გავარდნა არ ემუქრება.
ნაცუ ბაშო 2014-ის მე-13 დღის ვიდეო-მიმოხილვა:
