ისტორიკოსი მარიკა ლორთქიფანიძე  გადაცემა „ბეღურების გადაფრენის" სტუმარი გახლდათ. ქალბატონმა მარიკამ ახალი თაობის დამოუკიდებლობის დღისადმი ისტორიულ გათვითცნობიერებაზე გაამახვილა ყურადღება:

მარიკა ლორთქიფანიძე:   „ წიგნი არავის უნდა. ეროვნული არაფერი აღარ აინტერესებთ.  ეს იმის ბრალია, რომ გარკვეული წლების მანძილზე ამის წინააღმდეგ ბრძოლა მიდიოდა.  თუმცა  ახალი თაობით, სტუდენტებით, ვისთანაც ლექციები მაქვს, კმაყოფილი ვარ.  მათ იციან რას ნიშნავს დამოუკიდებლობის დღე და იციან, რომ  არა ის ჩანაფიქრი, რაც მაშინ განვითარდა, საქართველო სხვა გზით წავიდოდა. ამ ბავშვებმა იციან ისტორია ამ საკითხისა. აღსანიშნავია, რომ ბოლო ათმა წელმა ამ მხრივ ძალიან მძიმე შედეგი მოგვიტანა, მაგრამ გარკვეული ნაწილი ახალგაზრდობისა, შესანიშნავად ინფორმირებულია რა მოხდა მაშინ და რა ხდება დღეს. ისიც შესანიშნავად ესმით, რა უნდა გააკეთონ, რომ დამოუკიდებლობა დაიცვან."

ტვ 3-ის შემეცნებით გადაცემა „ბეღურების გადაფრენაში" მთავარ თემად 26 მაისი და ეროვნული მოძრაობა განიხილებოდა.