ბრაზილიელმა გამთამაშებელმა კარიერის გაგრძელება თურქეთში გადაწყვიტა. მედია საშუალებები იუწყებიან, რომ 29 წლის ფეხბურთელმა უკვე მოაწერა ხელი „ფენერბახჩესთან" კონტრაქტს და ამის შესახებ ოფიციალური ინფორმაცია მალე გაჟღერდება.

შეგახსენებთ, რომ დიეგოზე უფლებები გერმანულ „ვოლფსბურგს" გააჩნია, 2013/2014 წლების სეზონის მეორე ნახევარი კი ნახევარმცველმა მადრიდის „ატლეტიკოში" გაატარა, სადაც ესპანეთის ჩემპიონი და ჩემპიონთა ლიგის ვერცხლის მედლის მფლობელი გახდა.

ივნისის დასასრულს დიეგო თავისუფალი აგენტი ხდება, ამიტომაც „ვოლფსბურგი", რომელმაც „იუვენტუსს" ბრაზილიელის სანაცვლოდ 2010 წელს 15,5 მილიონი ევრო გადაუხადა, ცენტსაც ვერ მიიღებს.