საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა აფხაზეთში შემქნილ ვითარებასთან დაკავშირებით განცხადება გააკეთა.

„ნამდვილად ვართ დაინტერესებულები, რომ აფხაზეთში მშვიდობა იყოს. აფხაზები ჩვენი მოძმეები არიან, მათ საბოლოოდ უნდა მიიღონ გადაწყვეტილება, რომ ჩვენს ხალხს შორის დიდი შერიგება მოხდეს. როგორ განვითარდება მოვლენები ვნახოთ", - განაცხადა გიორგი კვირიკაშვილმა.

შეგახსენებთ, რომ აფხაზური ოპოზიცია „პრეზიდენტის ადმინისტრაციაში" წუხელ იმ დროს შეიჭრა, როდესაც დე ფაქტო პრეზიდენტი მათ წარმომადგენლებთან მოლაპარაკებას მართავდა.

ანქვაბი ოპოზიციასთან დიალოგისთვის მზადყოფნას გამოთქვამს, ოპოზიცია კი დათმობაზე წასვლას არ აპირებს.