ჩემპიონთა ლიგის ფინალურ მატჩში დაფიქსირებული ინციდენტების გამო, ევროპული საფეხბურთო კავშირი „ატლეტიკოს" მთავარ მწვრთნელ დიეგო სიმეონესა და „რეალის" ნახევარმცველ ხაბი ალონსოს ბრალს სდებს.

„ჩოლო" სიმეონე ორჯერ შეიჭრა მინდორზე თამაშის მიმდინარეობის დროს. ამასთანავე, დამატებით მეორე ტაიმში, როცა მისი გუნდი მარცხდებოდა (1:4), ცდილობდა საქმე გაერჩია „რეალის" ფეხბურთელ რაფაელ ვარანთან.

ფინალურ მატჩში დისკვალიფიცირებულმა ხაბი ალონსომ კი ვერ მოითმინა და ფინალური სასტვენის შემდეგ მოედანზე შევარდა.

„უეფა" მწვრთნელისა და ფეხბურთელის ქმედებას საბოლოო განაჩენს 17 ივნისს გამოუტანს და დიდი ალბათობით, სიმეონესა და ალონსოს ჩემპიონთა ლიგის მომდევნო სეზონში პირველ მატჩს გამოატოვებინებენ.