საერთაშორისო მუსიკალური ფესტივალი „ჩელოს სეზონი რუსთაველის თეატრში", 31 მაისს, მრავალი საერთაშორისო ჯილდოს მფლობელს , 17 წლის ქართველ ჩელისტს სანდრო სიდამონიძეს უმასპინძლებს.

სანდრო სიდამონიძე 7 წლის ასაკიდან ეუფლება ჩელოზე დაკვრას. ადრეული ასაკიდანვე აქტიურად მართავს კონცერტებს და მონაწილეობს კონკურსებსა და ფესტივალებში როგორც საქართველოში, ასევე მის ფარგლებს გარეთ. არის არაერთი პრიზის მფლობელი. 13 წლის იყო, როდესაც „Aმერიცან Pროტეგე"-ის გამარჯვებული გახდა და მონაწილეობა მიიღო კარნეგი ჰოლის სცენაზე გამართულ გალა კონცერტში.

31 მაისის კონცერტს რევაზ ჯავახიშვილი უდირიჟორებს. კონცერტზე შესრულდება: იან სიბელიუსის Fინლანდია სიმფონიური პოემა თხზულება 92. ედვარდ ედგარის კონცერტი ჩელოსა და ორკესტრისათვის E მინორ, თხზულება 85. ანტონინ დვორჟაკის სიმფონია #9 E მინორ, ახალი სამყაროდან თხზულება 95, B178.

ფესტივალს ევგენი მიქელაძის სახელობის ეროვნული სიმფონიური ორკესტრი და ნიკოლოზ რაჭველი წარმოადგენენ.

ყოველ შაბათს, ივნისის ბოლომდე ქართველი მსმენელისთვის მსოფლიოს საუკეთესო ჩელისტები შეასრულებენ ჰაიდნის, შუმანის, დვორჟაკის, ელგარის, ჩაიკოვსკის, შნიდკეს, შოსტაკოვიჩისა და ყანჩელის ნაწარმოებებს.