პარლამენტის თავმჯდომარის დავით უსუფაშვილის განცხადებით, საარჩევნო უწყებათაშორისო კომისია ისეთი უწყების ფარგლებში უნდა ამოქმედდეს , რომელიც პრობლემაზე მყისიერ რეაგირებას შესძლებს. "გადაწყვეტილება შემდეგ კრიტერიუმზე დაყრდნობით უნდა მივიღოთ: არჩევნების დროს კანონის დაცვა და მისი შესრულება ეს არის ცენტრალური საარჩევნო კომისიის ამოცანა, თუმცა ძველ დროში იყო განცდა იმისა, რომ ამას ცენტრალური საარჩევნო კომისია ვერ ან არ აკეთებდა. ამიტომ შეიქმნა ისეთი ჯგუფი, ისეთ თანამდებობის პირთან, რომელსაც ჰქონდა მყისიერი გავლენის მოქმედების საშუალება. გასული წლის მდგომარეობით, უშიშროების საბჭოს მდივანს შეეძლო ნებისმიერი პრობლემის ოპერატიულად მოგვარება. ამ არჩევნებისთვის ჩვენ გვჭირდება ამ ჯგუფის ისეთ თანამდებობის პირთან თავმოყრა, რომელსაც იგივე შეეძლება. ასე რომ ავწონ-დავწონით საკითხს" - განმარტა დავით უსუფაშვილმა. როგორც დღეს გახდა ცნობილი, სპეციალურად არჩევნების წინ შექმნილი უწყებათაშორისი კომისია უშიშროების საბჭოს მართვის სივრციდან გადის. აღნიშნული უწყება იუსტიციის სამინისტროს ფარგლებში ამოქმედდება.