გერმანელმა ჟურნალისტებმა კათოლიკურ ეკლესიაზე სკანდალური ფილმი გადაიღეს. მასში დაწვრილებით არის აღწერილი რეალური ცხოვრება ვატიკანში: ინტრიგები, კორუფცია, ფულის გათეთრება, პედოფილი და გეი მღვდლები და ა.შ. გერმანული მაუწყებლის, ARD-ს ჟურნალისტური გამოძიება იტალიელი რეპორტიორის, კარმელო აბატეს გამოძიებას ეფუძნება.
აბატემ, რომელიც რამდენიმე წელია ვატიკანის ბნელ
მხარეებს იძიებს, გეი მეგობრის დახმარებით, ფარულად მოახერხა, გადაეღო სკანდალური ვიდეომასალა: როგორ ერთობიან რომის ერთ-ერთ გეი ბარში კათოლიკე მღვდლები. 2011 წელს აბატე 4 თვის განმავლობაში აკვირდებოდა "დაფარულ ვატიკანს" და ჟურნალისტური გამოძიების შედეგები ერთ წიგნში - "სექსი და ვატიკანი" გააერთიანა.
ამასთან, გარყვნილი მღვდლების მფარველობაში ახლანდელი პაპის წინამორბედს, ბენედიქტ XVI-ს ადანაშაულებენ, რომელმაც გასული წლის თებერვალში საკუთარი ნებით დატოვა პოსტი.
2014 წლის მაისში ვატიკანმა 848 პედოფილ მღვდელს ღვთისმსახურის წოდება ჩამოართვა.
წყარო: ამბები.გე
