„ედმონდის მოგზაურობა“, - ამ სახელწოდებით გადაცემა ახალი სეზონიდან ტელეკომპანია „იმედის“ ეთერში გავა.

მსახიობი ედმონდ მინაშვილი  პროექტის ავტორია. ის „რეპორტიორს“ გადაცემის შესახებ ესაუბრა:

„ახალი სეზონიდან დაიწყება ჩემი პროექტი, რამდენიმე სერია უკვე გადაღებული გვაქვს ეს არის შემეცნებით-სათავგადასავლო, ექსტრემალური ყოველკვირეული გადაცემა „ედმონდის მოგზაურობა“. გადაცემის მთავარი იდეაფიქსია: საქართველოს მასშტაბით დღემდე უცნობი საოცრებების აღმოჩენა. ყოველი მეოთხე გადაცემა იქნება ლაივ-ეთერი, მაყურებელი sms-ების საშუალებით გამოავლენს საუკეთესო გადაცემას. წლის ბოლოს, ამ გადაცემის მეშვეობით გვექნება 12 საოცრება საქართველოში, რომელიც დღემდე უცნობია საზოგადოებსითვის“, - განუცხადა „რეპორტიორს“ მინაშვილმა.