სიღნაღის რაიონის სოფელ ერისიმედში ცოფის შემთხვევის გამო კარანტინი გამოცხადდა.

ინფექციური დაავადება ადგილობრივ, მინდია თავართქილაძის კუთვნილ მსხვილფეხა პირუტყვის ფერმაში გამოვლინდა.

კახეთის გუბერნატორის პირველმა მოადგილემ ზურაბ არსენიშვილმა, დაავადების კერის საწინააღმდეგო პროფილაქტიკური ღონისძიებების გატარების მიზნით, სურსათის ეროვნულ სააგენტოს ოფიციალური განკარგულებით მიმართა.

ბოლო პერიოდში კახეთის რეგიონში ცოფის გამოვლენის რამდენიმე შემთხვევა დაფიქსირდა, ოფიციალური ინფორმაციით, დაავადება ადამიანებზე არ გავრცელებულა.