ძლიერი წვიმის გამო, წალენჯიხის რაიონში, წყალდიდობამ შვიდი სოფელი დააზარალა. დანგრეულია დასახლებული პუნქტების დამაკავშირებელი გზები და ხიდები. წყალი საცხოვრებელი სახლების პირველ სართულებშიც შევარდა.

ძლიერად არის დაზიანებული თხილის პლანტაციებიც, მოვარდნილმა წყალმა შინაური ფრინველები და მოსავალი გაიტაცა.

წყალდიდობა რაიონში ერთსაათიანი წვიმის შემდეგ დაიწყო, ზარალის დათვლა უკვე მიმდინარეობს. მოსახლეობა ადგილობრივი მუნიციპალიტეტებისგან  და ხელისუფლებისგან დახმარებას ითხოვს.