„რია ნოვოსტის" ინფორმაციით, ჟურნალისტებთან ოპოზიციის ერთ- ერთმა ლიდერმა რაულ ხაჯიმბამ განუცხადა, რომ ძალოვანები მზად არიან ალექსანდრე ანქვაბის ნაცვლად,  დე ფაქტო პრეზიდენტის მოვალეობის შემსრულებელ ვალერი ბგანბას დაემორჩილონ. მისი თქმით, გუშინ ბგანბასა და ძალოვანებს შორის გაიმართა შეხვედრა, რომლის დროსაც უამრავ საკითხზე მოხდა გადაწყვეტილების მიღება.

კითხვაზე, ნიშნავს, თუ არა ეს, რომ აფხაზეთის პოლიტიკური კრიზისი ძალისმიერი მეთოდებით არ გადაწყდება, ხაჯიმბამ განაცხადა, რომ ეს ქვეყნის ახალ ხელისუფლებასთან ძალოვანების თანამშრომლობას ნიშნავს. მანვე აღნიშნა, რომ 24 აგვისტოსთვის დანიშნულ ე.წ. საპრეზიდენტო არჩევნებში მონაწილეობას არ აპირებს და, შესაბამისად, ამ ეტაპზე საკუთარი კანდიდატურის დასახელებას არ გეგმავს.