მომღერალი ნინი შერმადინი რამდენიმე თვეა ნიუ-იორკში ცხოვრობს. ნინის პროფესიასთან დაკავშირებით მასშტაბური გეგმები აქვს. მომღერალი ნიუ-იორკიდან ექსკლუზიურად „რეპორტიორს“ საკუთარ დამოკიდებულებებზე ესაუბრება.
ნინი შერმადინი: „ კითხვა არ გებადებათ ყველა რატომ გარბის? ყველა გაქცევაზეა იმიტომ, რომ მანდ შრომა არ ფასდება. მაგალითად მე ლანძღვის მეტი არაფერი გამიგია საკუთარ თავზე. ქვეყნის სირცხვილით დაწყებული, უნიჭო და მახინჯით დამთავრებული ყველაფერი მიწოდეს. ამიტომ მანდ ყოფნის სურვილი აღარ მაქვს. მარტივად ვხვდები რომ საქართველოში ჩემი ადგილი არ არის. წარმატების და სახელის გარდა ჩემი ქვეყნისთვის ნამდვილად არაფერი მომიტანია. სადაც ხალხს ესირცხვილები და სადაც ელემენტარულად არ გაფასებენ, იქ ყოფნას აზრი არ აქვს. სადაც არ სჯობს, გაცლა სჯობსო, ხომ გაგიგიათ. „
ნინი შერმადინი ამჟამად ალბომზე მუშაობს.
