საქართველოს პრეზიდენტი მიხეილ სააკაშვილი განათლებისა და მეცნიერების ახალი მინისტრის განცხადებას მიესალმება. საუბარია გლდანის პროფესიული გადამზადების კოლეჯის ავტორიაზაციაზე. თამარ სანიკიძემ დღეს განაცხადა რომ მიწის ნაკვეთის საბუთები, რომელზეც კოლეჯია აშენებული, მალე მოწესრიგდება და აღნისნული საწავლო დაწესებულება ავტორიზაციის გავლას შეძლებს.
პრეზიდენტის განცხადებით, გლდანის პროფესიული გადამზადების კოლეჯი საქართველოში ყველაზე თანამედროვესტანდარტებს აკმაყოფილებს. კოლეჯი შარშან არჩევნების წინ გაიხსნა.
"მე თვითონ ვიმუშავე ამ კოლეჯის მშენებლობაზე, გუშინ ვიყავი იქ. როგორც განაცხადეს თურმე არ მუშაობს იმის გამო, რომ არასწორად არის მიწა რეგისტრირებული და რაღაც სხვა ტექნკური პრობლემებია. ძალიან სამწუხაროა, რომ რამდენიმე თვე დაიხარჯა უაზროდ. როგორც ვიცი, დღეს განათლების ახალმა მინისტრმა განაცხადა, რომ ეს კოლეჯი როგორც იქნა ავტორიზაციას გაივლის, რასაც მივესალმები", - განაცხადა მიხეილ სააკშვილმა.
მისივე თქმით, მისი სურვილია, ამ კოლეჯის დაფინანსება ისევე მოხდეს, როგორც საქართველოში არსებული სხვა ტექნიკური კოლეჯების.
